Enseῆansa Pa Empleo a cuminsa cu cursonan pa presonan den KIA.

Siman pasa diabierna 3 september Enseῆansa pa Empleo a cuminsa cu e promer curso di un serie di cursonan pa presonan den KIA. Meta di e cursonan ta pa nos di EPE yuda na e resocialisa y coregi esnan cu di un manera of otro a cay den man di husticia pa asina nan tambe logra un of mas estudio durante nan estadia den KIA.,cual lo ta den bienestar di nan reintegracion den comunidad.

E cursonan cu nos lo bay cuminsa cunele lo ta:manicure y pedicure basico, lesnan di metsla, alfabetisacion unda e preso lo por haya conocimiento na nivel studio basico cu meta e por sigui un studio di MBO-1 of MAVO, comupterlesnan , cuminsa cu mi propio negoshi, intencion ta pa den future cercano tambe curso basico electro, koelmonteur y algun cursonan mas.

Den pasado caba nos di EPE tabata brinda cursonan na detenidonan. Nos di EPE ta convenci cu Ensenansa lo yuda mehora e calidad di bida di nos pueblo y yuda resolve mayoria di problemanan social den nos comunidad.

Na final di cada curso tur cursista lo haya un certificado cu depues lo por usa a base di e sitema di “ competentie “ pa sigui studia pa un of mas diploma .

Nos di EPE kier gradeci minister Lampe , directorado di KIA y personal pa cooperacion den esaki.

2021-10-29T08:51:05-04:00